శరణంటిమయ్యా ... MOODU PUVVULU AARU KAAYALU 1978

శ్రీ ఆంజనేయం ప్రసన్నాంజనేయం

ప్రభాదివ్యకాయం ప్రకీర్తిప్రదాయం

భజే వాయుపుత్రం భజే వాలగాత్రం

భజేహం భజేహం భజేహం...

శరణంటిమయ్యా శ్రీ ఆంజనేయా

కరుణించవయ్యా వీరాంజనేయా

నమో వజ్రకాయ నమో భక్తగేయా

నమో దివ్య మహిమా ప్రమేయా

శరణంటిమయ్యా శ్రీ ఆంజనేయా

కరుణించవయ్యా వీరాంజనేయా

🎼⛎🎷🔬🧲K🔗®️ 

శ్రీమన్ మహా మంగళాకార త్రైలోక్యమందార 

దుష్టారి సంహార శిష్టాత్మ సంచారా

సంసారపంకమ్మునందున్న మమ్ముద్ధరించంగ 

మా శోక దావానల జ్వాలలార్పంగ 

వేవేగ రావయ్య శ్రీ ఆంజనేయా…

శరణంటిమయ్యా శ్రీ ఆంజనేయా

కరుణించవయ్యా వీరాంజనేయా

 🎼⛎♌♓♎🔈🔥®️ 

కన్నాము సామీరి కన్నాము స్వామి

ప్రసన్నమ్ము నీ మోము కన్నామయా

కోటి పుణ్యాలు పండించుకున్నామయా..

ఏమి వక్షంబు శ్రీ రామ పక్షంబు 

దాక్షిణ్య దక్షంబు ఆర్తాళి రక్షంబు

సాకార మోక్షంబూ..

మా వీక్షణంబుల్ కృతార్ధంబులాయెంగదా..

దైవ భక్తాగ్రగణ్యా అగణ్యంబు 

నీ కీర్తి మాన్యంబు నీ మూర్తి ధన్యంబు

ధన్యాతిధన్యంబు మా జన్మజాతంబు వాతాత్మజా ఆంజనేయా

శరణంటిమయ్యా శ్రీ ఆంజనేయా

కరుణించవయ్యా వీరాంజనేయా

 🎼⛎♌♓♎🌬💫®️

ఎన్నెన్ని ప్రాంతంబులెన్నెన్ని దుర్గమ్ములెన్నో 

అరణ్యమ్ములెన్నో గిరీంద్రమ్ములెన్నాళ్ళు 

శోధించి శోధించి 

క్షేత్రాలు దర్శించి తీర్ధాలు సేవించి 

మంత్రాలు వల్లించి తంత్రాలు ఛేదించి 

ఎన్నాళ్ళ కెన్నాళ్ళకూ..

వీక్షించినామయ్య నీ భవ్యరూపమ్ము

సారించవేమయ్య నీ దివ్యతేజమ్ము..

కుప్పించి లంఘించి అంబోధులన్ మించి 

ఆకాశపర్యంత సంవర్ధివై ఉగ్రతా స్ఫూర్తివై

ఛండభానుచ్చటామండితాఖండశక్తి ప్రపూర్ణుండవై సాగి రావయ్యా..

నా ఆత్మపీఠంబుపై నీ ప్రతిష్టార్థమై 

వేచి ఉన్నానయా..

రక్షమాం రక్షమాం చేరరావా 

అఖర్వ ప్రభావా అపూర్వానుభావ

అహో ఆంజనేయా..

ప్రసన్నాంజనేయా..

సువర్ణాంజనేయా..

నమస్తే నమస్తే నమస్తే నమః